Do Ghazla ke do rang: Muslim Saleem

MUSLIM SALEEM – DO GHAZLA KE DO RANG

 

(1) MAHBOOB KE NAAM

YEH JISM KARTA HAI AKSAR BAHUT SAWAAL TIRAA

RAGON MEIN DAURNAY LAGTA HAI JAB KHAYAL TIRAA

QADAM BACHAA RAKHOON MAIN AGAR TO KAISE RAKHOON

HAR EK SAMT TO PHAILA HUA HAI JAAL TIRAA

QAREEB SAY JO BACHAA KAR NAZAR NIKALTE HAIN

ZARA SAMBHAL, YEHI POOCHHEN GE HAAL-CHAAL TIRAA

CHALAA SAFAR PAY JO TU UNKI RAAH SAY HAT KAR

TO AAJ DEKH LAY KYA HO GAYA HAI HAAL TIRAA

 

(2) DUSHMAN KE NAAM

UROOJ HONE KO BE-SHAK HAI  BE-MISAAL TIRAA

WO DIN BHI  SOCH KE AYEGA JAB ZAWAAL TIRAA

DAHAK UTHAY GAA KIS ROZ KHUD TIRAA HI BADAN

TABAAH KAR DEGA TUKHKO YEH ISHTI’AAL TIRAA

ABHI TO SAIR SITARON KI KAR RAHAA HAI TU

ZAMAANA DEKHE GAA IK DIN MAGAR ZAWAL TIRAA

ULAT DAY MULSIM-E-KHASTA KAY DUSHMANON KE NAGAR

JAMAL WAALE DIKHA DE ZARAA JALAAL TIRAA